Tijelo muške bebe pronađeno je u kanti za smeće između zgrada u podgoričkom naselju Blok 9, potvrđeno je Portalu RTCG iz Uprave policije.
Kako se saznaje, uviđaj je završen, a policija radi na utvrđivanju identiteta majke djeteta.
Kako piše Libertass, kesu u kojoj se nalazilo beživotno tijelo djeteta, navodno, pronašao je radnik “Čistoće”, čisteći korpu za otpatke.
Prvo je, prema nezvaničnim informacijama Libertasa, “pomislio da je riječ o lutki”. Odmah je obavijestio policiju o svemu.
Na lice mjesta je, osim policije, upućen i tužilac, kako bi izvršili uviđaj.
Prema nezvaničnim informacijama, zatražen je nalog za obdukciju tijela djeteta.
(RTCG – Foto: Ilustracija/Arhiva)