Poznati narko-bos Naser Keljmendi, priveden je danas u Policijsku stanicu u Loznici, javili su mediji iz Srbije.
Keljmendi se, kako prenose Novosti, pojavio u jednom hotelu na ulasku u Loznicu. Oko 13.30 časova čule su se sirene i nekoliko policijskih vozila, koja su se uputila ka hotelu, gdje je bio Keljmendi. Policajci su ga, odmah priveli.
Prema prvim informacijama, priveden je u svojstvu građanina, a prilikom hapšenja kod njega nije pronađeno ništa što bi moglo da se “kači” za bilo koje krivično djelo. I dalje je u Policijskoj stanici u Loznici. Nema zvaničnih informacija zbog čega je priveden.
Kako pišu Novosti odavno je poznato da lokalni narko dileri, iz Loznice, imaju bosove i “partnere” sa Kosmeta i BiH. Zašto je Keljmendi zapucao u Loznici, pitanje je za koje, zasad, nema odgovora.
N.N.