Ričard Atenboro je bio jedan od vodećih britanskih glumaca prije nego što je postao veoma uspješan reditelj.
Rođen u Kembridžu 1923. Ričard Atenboro je tokom 60 godina karijere kao glumac, dobitnik Oskara i plodan režiser, obilježio istoriju britanske filmske industrije.
Kruna njegove karijere bio je film “Gandi” koji je 1982. godine osvojio osam Oskara, uključujući one za najbolji film i režiju. “Gandi” je to tek jedan od velikih postignuća tokom značajne karijere ovog britanskog umjetnika, prenijela je agencija AP.
Glumio je u pedesetak filmova, a Stiven Spilberg ga je nagovorio da, iako se bio povukao iz radno aktivnog života, igra u “Parku iz doba jure”. Lord Atenboro je stariji brat ser Dejvida Atenboroa, poznatog po TV serijama o prirodi.
Bio je takođe poznat po velikom angažovanju kao ambasador dobre volje za UNICEF i druge humanitarne organizacije. Poslije pada niz stepenice, Ričard Atenboro je posljednjih šest godina bio u invalidskim kolicima.
Njegova porodica najavila je da će saopštenje o smrti Ričarda Atenboroa izdati sutra.
(agencije)