Svaka žena ulaže mnogo vremena da joj kosa izgleda sređeno i njegovano, posebno kada želi da joj frizura “ostane na mjestu” cijeli dan.
Ako je napolju vlažan vazduh, sav trud koji je uložen u feniranje ili pravljenje frizure može pasti u vodu. Zato, umjesto lakova za kosu, možete i same napraviti sprej.
Ne samo što će obezbijediti postojanost, već će joj pružiti opojan miris i nahraniti je.
Sastojci:
jedna narandža (za tamniju kosu) ili jedan limun (za svetliju kosu)
2 šolje destilovane vode
2-3 kašike vodke ili drugog neobojenog alkohola
6-8 kapi eteričnog ulja (lavande ili mirisa po želji)
Priprema:
Narandžu (ili limun) isjecite na komadiće. Potom ih ubacite u vodu, pa stavite na šporet. Kuvati sve dok se količina tečnosti ne prepolovi.
Kroz gazu ili gušću tkaninu procijedite smjesu, tako da ostanu komadići voća. Ako ne dobijete punu šolju tečnosti, dodajte malo destilovane vode.
Ostavite da se ohladi.
Alkohol i eterično ulje ubacite i pomiješajte u odvojenoj posudi, a zatim ubacite procijeđenu tečnost. Dobijeni sprej prespite u bočicu sa raspršivačem, piše Magazin Novosti.