Omar je bio iste veličine kao i drugi mačići u okotu kada ga je Stefi Herst odvela svojoj kući 2013. godine. Sada je, međutim, dugačak 120 centimetara i moglo bi da se ispostavi da je najduža domaća mačka na svijetu.
Nakon što je stekao internet slavu, sa njegovom vlasnicom su stupili u kontakt iz Ginisove knjige rekorda da im pošalje Omarove mjere.
Herstova iz Melburna podijelila je na Instagramu Omarovu fotografiju, koja je zatim podijeljena više od 270.000 puta.
Omar pripada rasi mejn kun. Obično ustaje oko pet ujutru, za doručak pojede činiju hrane za mačke, po kući se malo šunja, igra u dvorištu, odspava na trambulini i za večeru pojede sirovo kengurovo meso.
“To je jedino meso koje hoće da jede”, objašnjava njegova vlasnica.
Sa 14 kilograma, Omar je previše težak da ga često podižu, a Herstova koristi kavez za pse da bi ga nosila kod veterinara.
“Zauzima mnogo mjesta u krevetu, pa ostaje van sobe tokom noći”, kaže vlasnica.
Izvor: Bi-Bi-Si, RTS