Jedna japanska kompanija, koja posjeduje nekoliko specijalizovanih radnji za životinje, 50 veterinarskih bolnica i luksuzni hotel za kućne ljubimce, otvara prvi starački dom za pse u Japanu, javlja Anadolu Agency (AA).
Cilj kompanije je da pomogne starijim građanima te zemlje koji imaju isto tako starije pse o kojima se ne mogu sami brinuti.
Prema navodima iz ove kompanije, starački dom će u početku imati kapacitet smještaja za 20 pasa.
U okviru ponude staračkog doma nalazi se i veterinar, luksuzna češljaonica, igralište, bazen i mnogi drugi sadržaji.
“Mnogi Japanci danas imaju ljubimce, ali kako stare postaje im teško da se brinu se o njima”, rekli su iz kompanije “Aeon Pet”.
Cijena staračkog doma za pse zavisiće od rase i veličine psa ali kompanija predviđa da će mjesečni trošak za jednog psa iznositi oko 1.000 američkih dolara.
Inače, japanske vlasti su prošle godine donijele zakon kojim se građanima nalaže da se o svojim ljubimcima moraju brinuti do njihove smrti.
(AA)