Na parkingu ispred prodavnice “Volmart” u San Antoniju nađen je kamion sa prikolicom u kojoj se nalazi osam beživotnih tijela, među kojima su dva dječja, prenose američke TV mreže.
Vozač kamiona je odmah uhapšen, a njegovo ime nije objavljeno. U prikolici se nalazilo 38 ljudi, a 20 je u teškom stanju.
Šef policije San Antonija Vilijam Mekmanus rekao je da su našli tijela nakon što je jedan radnik iz prodavnice pozvao policiju.
Radnik je rekao da mu je prišao neko iz kamiona tražeći vodu.
“Kada je radnik donio vodu u kamion, nazvao je policiju, i kada smo stigli na lice mjesta, našli smo osam mrtvih ljudi u zadnjem dijelu prikolice”, rekao je Mekmanus.
(Fonet, RTS)